且说宝玉返沪后，现在暂住在秀林家中。当夜睡不安稳，心如棼丝。始则感慨青春，徒嗟老大；继则思为鸨妇，筹划将来。计算到天明，方才睡熟。一觉醒来，早已是午餐时候。

　　吃过了饭，阿金劝宝玉出外，乘坐马车往愚园等处消遣烦闷，游玩到傍晚方归。宝玉终嫌住在此间不甚十分畅适，皆因房屋狭小，耳目繁多，未便放浪形骸，故一心要搬往他处。先与阿金、阿珠商量一切，然后唤秀林进来，问道：“奴格几化家生，过仔故歇端午节，阿可以就拿转来介？”秀林答道：“有啥勿可以呢？不过干娘住勒奴搭，至少过一个夏，亦勿等用格套物事，横势奴统统有勒里。干娘勿做生意，才可以将就得过格，作啥能要紧去讨嗄？前两月家生浪格租钿，奴代收勒，一共一百念块洋钿，到本月底为止，干娘拿仔去罢。”说着，伸手在袋中挖出，交与宝玉。宝玉接过来一点，计共十二张钞票，回手放在台上，方说道：“格注租钿，奴勿拿末，要疑奴心怪格，其实奴要讨回家生并呒啥别样意思，一来为间搭场化小，奴一径住勒里仔，僭仔一间对面正房，如果生意闹猛，一夜摆五六台酒，要尴尬格；二来有亲娘勒浪，是呒啥，作兴唔笃阿姆心要讨厌格；三来奴夏天最怕热，也晓得格，眼下还勿要紧，到仔伏里，间搭房子小，远勿如三马路格场化。奴哪哼登得牢嗄？格句末是老实话，所以要紧托讨转家生呀，并勿是嫌待慢，勿然末，奴住勒里仔，开销奴格，奴落得省点哉，再勿然，奴就登勒里做做生意，有啥格勿好呢？”阿金也插嘴道：“大先生格意思实梗，小先生，也勿必留俚过夏哉，倒是租出去格家生，阿能够马上讨转格勒介？”秀林听了宝玉这一篇话，晓得他别有意见，在此不能畅所欲为，我亦何必定要留他？况现在我的生涯甚好，非比从前，还要靠他则甚？不过我的话儿不能这样说法，以尽我干女儿的情理。今既嫌房屋狭窄，决计搬往别处去住，也只得由他罢了。因答道：“干娘放心末哉，物事包勒奴身浪，一过端午节，就好去搬转来格，只剩得几日工夫，干娘且耐性点，横势租起房子来，也要耽搁两日勒海勒，就算碰巧就有，干娘勒奴面浪，终要有屈住格两礼拜，让奴继囡鱼尽尽孝心。昨日倪阿姆也交代奴格，哪哼会讨厌干娘呢？干娘即使怕热，住勿惯勒间搭，奴也勿敢硬留，好得故歇还勿算得热，格落奴实梗说。”宝玉不等秀林说完，便说道：“晓得哉，说哉，奴依末哉。”正说之间，外面搬进夜膳，彼此停口不谈。用饭既毕，秀林忽说道：“干娘，倪阿去看戏佬？”宝玉道：“只怕稍为晏（读俺）仔点，坐格场化勿舒齐哉，阿要明

　　请收藏：https://m.yushufang8.cc

（温馨提示：请关闭畅读或阅读模式，否则内容无法正常显示）